НОВ ТЕРОРИСТИЧКИ НАПАД: Вооружен маж избодел неколкумина на плоштад
Маж вооружен со нож им нанесе повреди на неколку минувачи во центарот на градот Турку, во западниот дел на Финска, соопшти финската полиција на својот налог на Твитер.
Според истиот извор, полицајци го раниле напаѓачот во нозете со истрели од огнено оружје и го уапсиле.
Електронското издание на локалниот весник „Турун Саномат“ објави дека напаѓачот убил едно лице, но полицијата засега не ја потврди ваквата информација.
Во полициското соопштение не се наведува бројот на жртвите, како ни дали станува збор за терористички напад, туку само им се препорачува на граѓаните „да го избегнуваат центарот на градот“.
Финската национална телевизијата „Иле“ јави дека во Турку во тек е полициска операција, дека центарот на градот е блокиран, како и дека се слушаат истрели.
Сведоци на настанот за финските медиуми изјавија дека виделе повеќе лица како лежат на земја.
Поради инцидентот во Турку, засилени се безбедносните мерки на аеродромот и железничките и автобуските станици во Хелсинки.
Во 2012 година тогашниот фински премиер Јирки Катајне избегна напад со нож во Турку за време на кампањата за локалните избори, Напаѓачот беше човек со психички проблеми, против кого не беше покренато обвинение.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево