Дончевски и Ибраими на „гости“ кај репрезентативците

Првиот селектор на А репрезентацијата на Македонија, Андон Дончевски денеска беше присутен на тренингот на репрезентацијата во пресрет на квалификацискиот дуел против Албанија. Дончевски им посака среќа и успех на нашите фудбалери.

Поддршка на најдобариот национален тим даде и Агим Ибраими, фудбалерот на Астана кој поради повреда го пропушта дуелот во Скадар.

•  Момци, пред 20 години ја победивме Албанија со 5:1, верувам дека можете и вие да дојдете до добар резултат во Скадар. Верувам во вас и очекувам да ја израдувате фудбалска  Македонија со еден позитивен резултат, изјави за интернет страницата на Фудбалската федерација на Македонија Дончевски.

Македонија во Скопје ќе тренира до 3.септември, а следниот ден ќе го Официјалниот тренинг на стадионот „Лоро Боричи“, Скадар во терминот од 20:45 часот, кога се игра и натпреварот следниот ден на 5.септември.