Мустафа: Не даваме ни хектар во замена за визната либерализација
Косовскиот премиер Иса Мустафа е убеден дека набрзо ќе биде изгласан договорот за демаркација на границата со Црна Гора и ветува дека Косово нема да отстапи ни хектар од својата територија во замена за визна либерализација.
- Нема да дадеме ниту хектар во замена за либерализација, но исто така никој нема право да ги држи во заложништво и изолација граѓаните на Република Косово, вели Мустафа за весникот „Фјала“ (збор).
Во истото интервју Мустафа искажува убеденост дека во текот на четиригодишниот мандат ќе го исполни изборното ветување за 120 илјади нови вработувања.
Тој ги отфрла и тврдењата дека нивото на директните странски инвестиции лани било најниско од војната наваму.
- Со целосен респект сметам дека не се точни тврдењата оти странските инвестици се на најниско ниво по војната. Во 2015 година имаше највисоко ниво на странски инвестиции споредено со трите претходни години,или над 300 милиони евра, додека во 2016 година, до есен, инвестициите достигнаа над 200 милиони евра, тврди Мустафа.
Во врска со блокирањето на влезот на рускиот воз од српска на косовска територија, смета дека тоа била провокација на Белград и оти и Косово докажало дека е самостојна држава.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата