-->
-->
Монфис следен противник на Ѓоковиќ
-->
Новак Ѓоковиќ се пласираше во полуфиналето на УС Опен, а за влез во финалето ќе се бори со Гаел Монфилс. Ѓоковиќ во четвртфиналето беше подобар од Жо-Вилфред Цонга, а Монфилс славеше над сонародникот Лука Пуи.
Ѓоковиќ, кој ја брани титулата на УС Опен, во полуфинлаето мина откако одигра два сета против Цонга. Српскиот тенисер со доминантна игра ги освои првите два сета (6-3, 6-2), а потоа францускиот тенисер, поради повреда на коленото, го предаде мечот.
Во првите два сета Ѓоковиќ имаше повеќе директни поени (18-11) и помалку неизнудени грешки (12-36).
Интересно, Цонга е третиот тенисер кој на овој УС Опен му го предава мечот на најдобриот светски играч. Претходно, во второто коло, воопшто не го одигра мечот против Јиржи Весели, а во третото коло против Михаел Јужњи одигра само еден сет.
Противник на Ѓоковиќ во полуфиналето ќе му биде Монфилс кој очекувано го совлада Лука Пуи 6-4, 6-3, 6-3. Монфилс се избори за своето прво полуфинале во Њујорк, максимално користејќи го заморот на Пуи, кој во претходните три меча играше максимални пет сета.
Во женска конкуренција првата полуфинална двојка ја формираа Каролин Вознијацки и Анжелик Кербер.
Вознијацки која е 74-та на ВТА листата и која во минатото има два пати играно финале на УС Опен, во двата сета и препушти само два гема на Летонката Анастасија Севастова.
Данската тенисерка максимално ја искористи повредата на скочниот зглоб, со која нејзината противничка се здоби на самиот почеток на мечот.
Кербер, која доколку го освои Њујорк ќе биде прва на на ВТА листата, славеше во два сета над Италијанската Роберта Винчи.
-->
-->
-->
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола