Монашки хорови од Македонија на фестивал во Солун
Монашкиот хор на Бигорскиот манастир и монахинските хорови „Свети Георгиј Победоносец“ од дебарското село Рајчица и манастирот Пречиста кај Кичево, утре ќе настапат на 8.Меѓународен хорски фестивал, што викендов се одржува во Солун.
Древните црковни песни, со кои црнорисците од Бигорскиот манастир и манастирите Рајчица и Пречиста го слават Бога, ќе прозвучат на црковнословенски јазик во Солунската концертна сала, најреномираната музичка институција во северна Грција.
-Поканата за настап на хорот на Свештената Бигорска Обител, како и на сестринскиот хор од манастирите Рајчица и Пречиста на еден ваков реномиран фестивал, покажува дека грчкото општество се повеќе се отвора кон нашата МПЦ-ОА и препознава во неа жив и интензивен црковен, светотаински живот, со активно монаштво, редовна богослужбена пракса – од каде што, всушност, и произлегува искуството за изведбата на вакви богослужбени песнопенија, истакна архимандрит Партениј, игумен на Свештената Бигорска Обител.
Ваквите настани, посочува тој, даваат и можност за натамошно продлабочување на меѓусебните врски, но и за стекнување на нови, кои во иднина би биле од голема полза за нашето меѓусебно зближување како два братски православни народа.
Ново на Сител
-
Пожарникари од Радовиш цела ноќ гаснеле опожарена дабова шума, пожарот се уште активен
-
Во Битола пронајдени 1408 пушки од балканските војни
-
Најстудено утрово во Лазарополе
-
Хоспитализирани уште три лица со голема кашлица, вкупно 631 заразени
-
Бостон прв финалист во НБА плејофот
-
Денеска ќе се одржи Конститутивна седница на парламентарниот состав 2024-2028
-
135 сообраќајни санкции во Скопје
-
Повеќе од 20 лица загинаа во големите бури во САД – 300 илјади луѓе останаа без струја