Медиуми: УЕФА ќе дозволи 26 фудбалери на ЕУРО2024
Европската фудбалска унија (УЕФА) ќе им дозволи на селекторите во своите репрезентации за претстојното Европско првенство во Германија да повикаат 26 фудбалери, тројца повеќе од сегашниот лимит, објавија денеска британските медиуми.
Како што објави Скај, Националниот комитет за натпреварување на УЕФА на состанок одржан во понеделник одлучи да им дозволи на селекторите да доведат уште тројца играчи, по предлогот на некои селектори да се зголеми бројот на играчи поради згуснатиот натпреварувачки распоред оваа сезона и можните повреди.
УЕФА и на претходното Европско првенство во 2021 година, дозволи проширување на списокот играчи за ова натпреварување, по пандемијата на коронавирус, а како што објави Скај, се чини дека тоа отсега ќе стане норма за репрезентативните натпреварувања на УЕФА.
Одлуката сè уште не е официјално донесена, бидејќи мора да ја одобри Извршниот комитет на УЕФА, но според извештаите, се очекува тоа да биде формалност и да биде потврдено до крајот на оваа недела.
Европското првенство ќе се одржи од 14 јуни до 14 јули во Германија.
Ново на Сител
-
51-годишен тетовец извршил убиство со автоматска пушка, 73-годишник му помагал
-
Гостиварец ја претепал поранешната сопруга
-
Скопјанец се карал со поранешната девојка па пукал
-
Прилепчанец демнел и се заканувал на жена и нејзините родители
-
Со закана со пиштол одзел пари, детали за грабежот на банка во Аеродром
-
Избегнувајте ги продавниците кои не дозволуваат со платежна картичка да купите шише вода, велат банкарите
-
ЈК Травел и СОС Детско Село ја продолжуваат кампањата „Ти летуваш – ЈК Травел донира на СОС Детско Село“
-
Таравари: Сигурен сум дека оваа влада ќе ги почне преговорите со ЕУ