Масакар на Флорида: Монструмот Николас изјавил: Демони ми рекоа сите да ги убијам
Деветнаесетгодишниот Николас Круз, кој во средата усмрти 17 лица и рани уште петнаесетина средношколци, во школото „Марџори Стоунмен Даглас“, во Паркланд, недалеку од Мајами, тврди дека туѓу гласови, кои ги слушал во главата, му рекле да го стори масакрот.
„ABC news“, повикувајќи се на извори блиски до истрагата, пренесува дека Круз во текот на испитувањата, слушнал гласови кои му рекле да го изврши нападот во школото.
„Тој тие гласови ги опишал како демонски, тврдејќи дека тие му рекле што да прави“, вели изворот за „ABC news“.
Негови познаници го опишуваат како проблематичен тинејџер кој често упаѓал во невољи. Семејството кое се грижело за него, откако минатиот септември починала Линда, жената која го посвоила, вели дека Круз бил многу депресивен и дека одел на терапии.
„Николас немал поддршка од системот. Кога мозокот не ви е доволно развиен, тогаш не знаете дека се соочувате со проблеми кои ви се наметнати“, изјави Мелиса Мекнил, адвокат на напаѓачот.
Потврдено е дека полицијата од 2010 година, па се до масакрот, дури 39 пати интервенирала и доаѓала во куќата во која живеел Круз.
„Во прашање биле повици поради злоставување, насилство во семејството, пријава за исчезнување и проблеми со лечење на ментално пореметена личност“, соопштиле од канцеларијата на шерифот.
„Неименуван ученик кој одел со Круз во одделението, вели дека тој бил „психо кој сакал да си игра со оружје“. Исфрлен е од школото во кое подоцна го сторил масакрот, поради тепачка со момче на негова поранешна девојка. Круз на Инстаграм често поставувал антисемитски пораки, како и пораки на омраза кон имигрантите, хомосексуалците и Афроамериканците.
Ново на Сител
-
Тема на денот со Миле Маркоски декан на ФЗНХ
-
Приватните специјализанти уште еднаш потсетија за нивните барања за поголеми плати и осигурување
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари