Мајкл Блумберг нема да се кандидира за претседател на САД
Поранешниот градоначалник на Њујорк, Мајкл Блумберг соопшти дека нема да се кандидира за претседател на САД.
Блумберг, кој подолго време ја разгледуваше можноста за негово вклучување во изборниот процес како независен кндидат, на својата интернет страница објави дека стравува оти неговата кандидатура би можела да им помогне на републиканците Доналд Трамп или Тед Круз да победат.
Сопственикот на „Блумберг Њуз Организејшн“ во соопштението изразува загриженост за „неконвенционалната и бунтовничка“ кампања што досега ја водат републиканецот Трамп и демократскиот претендент Берни Сандерс.
Тој смета дека неговото вклучување во изборната трка би предизвикало расцеп во гласачкото тело, па доколку нема јасен победник од изјаснувањето на гласачите, тогаш би се создала ситуација, Конгресот на САД, да избере претседател.
- Не сакам да преземам ризик, мојата кандидатура да доведе до изборот на Трамп или на Круз, вели Блумберг.
Тој ја осуди кампањата на милијардерот од Њујорк, но смета дека и сенаторот од Тексас, Круз ја дели истата екстремистичка позиција како и Трамп, само што неговата реторика е помалку бомбастична.
Мајкл Блумберг е формално републиканец, но тој не ги дели позициите на партијата во врска со социјалните прашања, контролата на оружјето и геј браковите.
Блумберг е против и „демократското левичарење“ на сенаторот од Вермонт, Сандерс и заговара позиција блиска до политичкиот центар.
Тој трипати по ред беше избиран за градоначалник на Њујорк, од 2002 до 2013 година.
Ново на Сител
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција