Изложба на полски плакат во Крива Паланка
Изложбата на графички дизајн „Полската школа на плакат“ (Polska szkola plakatu) утре, во 12 часот ќе биде отворена во Уметничката галерија при Градскиот музеј – Крива Паланка.
На изложбата ќе бидат презентирани различни плакати направени од страна на неколку генерации полски графички уметници, вклучувајќи ги мајсторите на полската постерска уметност (Леница, Мајевски, Млодожењец, Старовјејски, Швиежи и Томашевски).
Изложбата, како што информира Градскиот музеј – Крива Паланка, е дел од иницијативата „МузеумЛинк 2016“, која на едно место собра повеќе музејски установи од Република Македонија, со цел меѓусебно да соработуваат на заеднички проекти и активности и да го збогатат културното живеење во повеќе македонски градови
Иницијативата е на Музеј на Град Скопје, а досега во неа се вклучени Завод и музеј-Штип, Завод и музеј-Битола, Завод и музеј-Охрид, Музеј на тетовскиот крај-Тетово, Народниот музеј-Велес, Музеј на град Неготино, Музеј и галерија-Кавадарци, Музеј Куманово, Народен музеј Свети Николе, Музеј на град Кратово, Градски музеј-Крива Паланка, Музеј „Теракота“ Виница, Музеј Гевгелија, Завод и музеј-Прилеп, Музеј „д-р Никола Незлобински“ Струга и др.
Изложбата на полски плакат во Крива Паланка ќе биде отворена до 19 јули годинава.
Ново на Сител
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања