Италијанскиот министер за правда Андреа Орландо се кандидира за лидер на Демократската партија
Италијанскиот министер за правда Андреа Орландо денеска најави дека ќе му биде ривал на поранешниот премиер Матео Ренци во трката за нов лидер на владеачката Демократска партија, на која и се заканува раскол.
-Одлучив да се кандидирам бидејќи верувам дека Демократската партија мора многу да се промени доколку има намера да биде од вистинска корист за Италија, наведе Орландо на својот налог на Фејсбук. Тој е и поранешен министер за заштита на животната средина.
Покрај Орландо (48), кој му припаѓа на левото крило на оваа централно-левичарска партија, кандидатура за нов претседател на партијата најави и Микел Емилијано, гувернерот на италијанската регија Апулија, наведуваат британските медиуми.
Поранешниот италијански премиер Матео Ренци претходно овој месец поднесе оставка на местото лидер на Демократската партија, настојувајќи да обезбеди нов мандат со засилена поддршка во пресрет на парламентарните избори во земјата.
Ренци во јануари поднесе оставка на местото премиер на Италија откако граѓаните на Италија, на референдум, го отфрлија неговиот предлог за уставни реформи.
Неговите противници, левата фракција, се заканија дека ќе се одделат од партијата.
Ренци ги обвини „бунтовниците“ дека додека бил премиер го напаѓале во секоја прилика, како и дека се обиделе да го уценат да поднесе оставка на местото лидер на партијата, тврдејќи дека е тоа единствениот начин да се спречи расколот во неа.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден