Индустриското производство во мај поголемо за 5,3 отсто
Индустриското производство во мај годинава пораснало за 5,3 отсто во споредба со истиот месец од минатата година, а во првите пет месеци од годинава е за 8 отсто повисоко во споредба со истиот период од 2015 година.
Според податоците на Државниот завод за статистика, индустриското производство во секторот Рударство и вадење на камен во мај 2016 година, во однос на мај 2015 година, бележи опаѓање од 19,8 отсто, во секторот Преработувачка индустрија има пораст од 11,7, а во секторот Снабдување со електрична енергија, гас, пареа и климатизација опаѓање од 18,4 отсто.
Порастот во секторот Преработувачка индустрија е резултат, пред се, на зголеменото производство на прехранбени производи, пијалаци, тутунски производи, облека, електрична опрема, машини и уреди и производство на моторни возила, приколки и полуприколки.
Според главните индустриски групи, производството бележи пораст кај Капитални производи за 34,5 проценти, Трајни производи за широка потрошувачка за 4,4 и Нетрајни производи за широка потрошувачка за 8,2 проценти, додека опаѓање има кај Енергија за 24,9 отсто и Интермедијарни производи, освен енергија за 0,2 отсто.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата