Харадинај го пополни испразнетото место во Владата по разрешувањето на министерот Теодосијевиќ
Косовскиот премиер Рамуш Харадинај ја именува Адријана Хоџиќ за нова министерка за администрација и локална самоуправа, откако во вторникот од таа функција го разреши Иван Теодосијевиќ, јави дописникот на МИА од Приштина.
Веста за именувањето на досегашната шефица на општинската администрација во Северна Митровица за член на неговиот Кабинет, Харадинај ја објави на својата страница на Фејсбук.
– Денеска за министерка во Министерството за администрација и локална самоуправа ја именував Адријана Хоџиќ, која се истакнува со нејзините залагања за доброто на граѓаните на Косово. Општо е познат нејзиниот придонес во градењето мостови на комуникација и доверба меѓу заедниците во Косово, објави косовскиот премиер.
Пред три дена Харадинај од министерската позиција го разреши Теодосијевиќ, кој доаѓа од редовите на Српската листа, поради тоа што на одбележувањето на годишнината од нападите на НАТО врз Србија изјави дека Албанците се „крвопијци и измамници“, додека масакрот врз цивилното население во селото Речак во јануари 1999 година го нарече „измислица“.
Ново на Сител
-
Претседателката Сиљановска Давкова ја прими гувернерката на Народната банка, Анита Ангеловска-Бежоска
-
Истражување: Една од три жени немаат пристап до менструални производи поради високата цена
-
Гаши: Ќе се погрижам да го подигнам нивото на Собранието, да биде во служба на сите граѓани
-
Џафери ќе ја извршува функцијата технички премиер до изборот на новата влада
-
Скопјанец го нападнал градоначалникот на општина Шуто Оризари, полицијата извршила службен разговор со него
-
Сиљановска Давкова: Ќе го почитувам Преспанскиот договор, но го задржувам правото на слобода на изразување
-
Кацарска ќе даде осврт за претседателскиот мандат во Уставен, до крајот на месецов ќе се знае нејзиниот наследник
-
Африм Гаши избран за претседател на Собранието