ГРОМ: СЈО дели селективна правда
Претседателот на Граѓанската опција за Македонија (ГРОМ), Стевчо Јакимовски, денеска оцени дека Специјалното јавно обвинителство (СЈО) дели селективна правда и праша како се бара притвор за градоначалникот на Битола Владимир Талевски, а не се бара притвор за градоначалникот на Струмица Зоран Заев и дали е споредливо нивното политичко влијание.
Според Јакимовски, заканите од мито, корупција и криминал не доаѓаат од Талевски, туку од Заев. - Еве го двојниот аршин во функционирањето на правниот поредок во Република Македонија. На еден начин функционира Државното јавно обвинителство, на поинаков – СЈО. Државното јавно обвинителство, за докажано кривично дело не апси, а СЈО за недокажано кривично дело бара притвор? Ќе ни одговори ли некој од правните душегрижници, колку пати во 365 дена Зоран Заев може да го повтори делото и да бара поткуп, рече Јакимовски.
Колку и да сакаме да не бидеме критички расположени кон СЈО, додаде Јакимовски, да не сме цинични и да не ги омаловажуваме, самите специјални обвинители го прават тоа, така што применуваат селективна правда и селективно го гонат криминалот.
ГРОМ, како што рече Јакимовски, бара од правосудните органи да не прават комбинации и комбинаторики, туку цврсто и сериозно да дејствуваат согласно законските прописи во Македонија.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера