Граѓанските протести во Грција лани се зголемиле за 40 отсто во споредба со 2015
Граѓанските простести во Грција забележаа значителен раст во 2016 година, според грчката полиција, пишуваат денеска грчките весници.
Полицијата нагласи дека демонстрациите и другите граѓански протести во земјата се зголемиле во 2016. за 40 отсто во однос на претходната година, која беше првата година кога на власт дојде левицата СИРИЗА.
Се проценува дека во 2016 година граѓанските протести го достигнале нивото од првите години на меморандумот, потпишан со меѓународните кредитори на земјата, што е показател за незадоволството на Грците од владините мерки, пишува весникот „Вима“.
Податоците покажуваат дека лани се одржале 5.764 демонстрации и граѓански митинзи во целата земја, за кои биле ангажирани 129.069 полицајци.
Во 2015 година се регистрирани 4.110 демонстрации и митинзи, а во 2014 година 5.198.
2013 година се смета за рекордна, со оглед на тоа што тогаш биле регистрирани 6.231 граѓански протести.
Весникот „Нафтемборики“ нагласува дека кризата довела и до зголемување на криминалните дела. Минатата година се регистрирани 3.790 случаи на измами и грабежи, додека во 2015 година 3.168.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера