„Газпром“ и „Боташ“ може да привлечат нови учесници во „Турски поток“
Руската компанија „Газпром“ и турската „Боташ“ можат да привлечат нови учесници во изградбата на гасоводот „Турски поток“, како и финансирање од трети лица, се наведува во текстот на меѓувладината спогодба на Русија и Турција за реализирање на проектот, јави ТАСС.
- По заедичко решение на учесниците во компанијата за „копнениот дел 2“ и по решението на рускиот учесник во компанијата за „морскиот дел“ можат да бидат привлечени средства од трети страни, се посочува во документот.
Во него се нагласува дека исто така е постигната согласност за привлекување нови учесници со соодветно прераспределување на деловите во уставниот капитал.
„Копнениот дел 2“ е делот од гасоводот „Турски поток“ на територијата на Турција кон соседните земји. „Морскиот дел 2“ е делот, кој обединува две линии, од брегот на Русија на Црното Море и Турција кон соседните земји.
Согласно спогодбата Русија и Турција ќе го ослободат „Турски поток“ од серија главни даноци. Конкретно нема да се оданочува дејноста на компанијата за морскиот дел, која ќе се извршува во исклучителните економски зони и на бреговите на двете земји во Црното Море.
Турската страна ги ослободува од ДДВ услугите на претпријатието за морскиот дел, како и неговите приходи. Турција од ДДВ ги ослободува и услугите за транспортирање на гас. Освен тоа транспортната и техничката опрема, доставена на територијата на двете земји нема да биде објект на даноци и царина во Русија и Турција.
„Газпром“ е ослободен од данок на недвижен имот за време на изградбата на морскиот дел од гасоводот. Учесниците во изградбата на гасоводот се ослободуваат и од серија други даноци и давачки.
Спогодбата беше потпишана синоќа од рускиот министер за енергетика Алексадар Новак и турскиот министер за енергетика Берат Албајрак во присуство на претседателите на Русија и Турција, Владимир Путин и Реџеп Таип Ердоган.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска