Г7 и онлајн заедницата ќе работат против ширење на исламистички екстремизам
Земјите членки на Г7 и технолошките гиганти меѓу кои и Гугл, Фејсбук и Твитер, се договорија да работат заедно со цел да го блокираат ширењето на исламистичкиот екстремизам на интернет.
- Ова се првите чекори кон поголем сојуз во името на слободата, изјави италијанскиот министер за внатрешни работи, Марко Минити по завршувањето на дводневниот состанок на министрите од Г7, нагласувајќи ја улогата на интернет во „регрутирање, обука и радикализација“ на екстремисти.
Францускиот министер за внатрешни работи Жерар Коломб изјави дека целта е да се обезбеди проџихадистичката содржина да се отстрани во рок од два часа по објавувањето на интернет.
- Нашите непријатели се движат со брзина на твит и ние мораме исто толку брзо да им се спротивставиме, изјави американската министерка за внатрешна безбедност Илејн Дјук.
Иако призна дека е постигнат напредок во борбата против џихадистичката онлајн содржина, британската министерка за внатрешни работи Амбер Рад истакна дека „компаниите треба да дејствуваат повеќе и побрзо не само за да се елиминира екстремистичката содржина, туку и да се спречи таква содржина воопшто да се објави.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид