Фронтекс ќе распореди уште 50 полицајци на бугарско-српската граница
Европската агенција за контрола на надворешните граници Фронтекс во следниот период долж границата меѓу Бугарија и Србија ќе распореди уште 50 полицајци, како помош на локалните безбедносни сили во спречување на приливот на илегални мигранти, јави Танјуг.
Српскиот министер за внатрешни работи Небојша Стефановиќ на денешната седница на Комисијата за одбрана и безбедност на Собранието на Србија, изјави дека целта на ваквата засилена контрола на границата е да се спречи приливот на илегални имигранти преку српска територија кон западноевропските земји.
Стефановиќ нагласи дека српската полиција досега спречила околу 23 илјади лица во илегален премин на нејзините граници и дека поднела над две илјади кривични пријави за шверцување на луѓе.
Тој потенцира дека најголем дел од организаторите на шверцот на мигранти не се наоѓаат на територијата на Србија, па затоа Белград соработува со ЕУ во нивно откривање и идентификација.
Според податоците на српското Минстерство за внатрешни работи, во приватните центри на територијата на Србија во моментов престојуваат околу 7.000 мигранти, а во периодот од јануари до октомври годинава во земјата биле регистрирани речиси 108.000 мигранти.
Стефановиќ нагласи дека најголем број од мигрантите што во моментов се наоѓаат во прифатните центри во Србија и кои поднеле барање за азил, всушност не планираат да останат во земјата, туку само сакаат да го легализираат својот статус.
Според Стефановиќ, по склучувањето на договорот меѓу ЕУ и Турција бројот на илегални емигранти кои пристигнуваат во Србија е значително намален, но дека во исто време смален е и бројот на лицата со мигрантски статус, кои ја напуштаат земјата затоа што Унгарија преку двата премини на границата со Србија дневно пропушта само по 30 бегалци.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња