Ердоган: Турција е подготвена да им помогне на бегалците од Мјанмар
Турскиот претседател Реџеп Таип Ердоган изјави дека Анкара е подготвена да им помогне на бегалците од Мјанмар.
- Муслиманските браќа се третирани многу лошо во Мјанмар, ги тераат да ги напуштат домовите. Ние треба да се ангажираме за да се избегне таквиот неправеден однос кон нив. Исто како и властите на Мјанмар и на Бангладеш, сакаме да работиме заедно, за да се избегне таква човечка драма, посочи Ердоган.
Тој додаде дека и на Рохинџите кои побарале засолниште во Бангладеш им е потребна помош.
- Им кажавме на властите во Бангладеш дека сакаме да помогнеме. Сите исламски народи треба заеднички да работат на превенција од насилство, посочи Ердоган.
Бунтовниците Рохинџи денеска прогласија едномесечно примирје со цел да се достави хуманитарна помош во сојузната мјанмарска држава Ракхајн.
Во судирите во северозападниот дел на Мјанмар, што почнаа на 25 август, загинаа стотици луѓе, а приближно 300.000 лица беа принудени да побегнат во соседен Бангладеш.
Групата муслимански бунтовници, која се нарекува Армија за спас на Рохинџите во Аракан на Твитер објави прекин на огнот и ги повика мјанмарските владини сили да преземат реципрочни мерки, за да се овозможи достава на хуманитарна помош.
Владата на Мјанмар се уште нема одговорено на понудата за примирје.
Ново на Сител
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции