Ердоган: Израел и е потребен на Турција
Турскиот претседател Реџеп Таип Ердоган денеска изјави дека Турција мора да прифати дека Израел и е потребен и доколку двете држави искрено би соработувале, можна е нормализација на односите.
- На Израел и е потребна земја како што е Турција во регионот. А Турција мора да прифати дека и е потребен Израел, наведе Ердоган, додавајќи оти тоа е „реалност во регионот“.
Тој посочи дека Израел предложил да дозволи транзитирање на турските артикли и градежни материјали низ Појасот Газа.
- Потребно ни е да видиме пишуван текст за да се обезбедиме дека нема да има отстапки од договорот, посочи Ердоган.
Турција, членка на НАТО, беше клучен регионален сојузник на Израел до 2010 година, кога беа нарушени билатералните односи откако девет турски активисти беа убиени од страна на израелски командоси на турскиот брод „Мави Мармара“, кој се обидуваше да ја пробие блокадата за Појасот Газа.
Но, атмосферата е смени откако минатиот месец беше обелоденето дека двете држави тајно преговараат за подобрување на односите.
Претходно, Ердоган истакнуваше дека Турција има три услови за нормализирање на односите - Израел да се извини за убиството на турските активисти на бродот „Мави Мармара“, да обезбеди компензација за семејствата на жртвите и да укине блокадата на Појасот Газа.
Израел веќе се извини за инцидентот на бродот, постигнат е и напредок во преговорите за исплата на отштета на семејствата на жртвите, а останува уште блокадата на Појасот Газа.
Ново на Сител
-
Скопјани нападнале и ограбиле маж на Камени мост
-
52 годишен скопјанец со пиштол и нож ограбил продавница, при бегање паднал и завршил во болница
-
Кривична пријава за родители од Штип - Ги заклучиле децата во автомобил и отишле во казино
-
Полицаец и германски политичар избодени со нож сред плоштад во Мајнхајм, Германија | ВИДЕО
-
Пад од 1,2 проценти на индустриското производство во април
-
Поскапени поштенските и курирските услуги
-
Хоспитализирани нови четири лица со голема кашлица, вкупно 661 случај во државава
-
Уште два неуспешни обида на Уставниот суд да избере нов претседател, седницата продолжува в понеделник