Двајца екстремисти, обучувани од ИД, се ликвидирани во Русија
Руските сили за безбедност синоќа ликвидирале двајца вооружени екстремисти од Исламската држава, кои планирале серија кривични дела поврзани со тероризам, јави ТАСС, повикувајќи се на соопштението на рускиот Национален антитерористички комитет (НАК).
Двајцата биле убиени во Ставрополски крај по престрелка со руските сили за безбедност, кои се обидувале да го запрат автомобилот на криминалците, синоќа околу 23.00 часот, по локално време.
Акцијата била дел од операцијата за блокирање на активностите на групата „заспаната клетка“, чии членови положиле заклетва за верност кон ИД.
Лицата кои се наоѓале во возилото отвориле оган со автоматско оружје и се обиделе да избегаат. Руските сили за безбедност одговориле на нападот и ги неутрализирале екстремистите.
- Едниот од нив бил лидер на „заспаната клетка“, кој бил обучуван во кампови на ИД и вратен во Русија со цел да извршува терористички напади. Другиот бил активен член на групата, соопшти НАК.
- Силите за безбедност располагаат со податоци, дека екстремистите имале намерна да извршат повеќе кривични дела поврзани со тероризам, стои во соопштението.
Во автомобилот биле пронајдени материјали за подготовка на бомби. Во домот на еден од екстремистите е најдена литература на ИД.
Ново на Сител
-
Сашо Мијалков излегува од затвор
-
Вучиќ пристигна во Њујорк заради гласањето на резолуцијата за Сребреница во ОН
-
Путин назначи нов заменик министер за одбрана
-
Гвардиола: Поблиску сум до заминување, отколку до останување во Сити
-
Утре сончево со умерена облачност, попладне со дожд и грмежи
-
Уапсен е врховниот судија Наке Георгиев поради поткуп
-
Откако не му дале пари, со нож се заканил на својот татко дека ќе го убие
-
Сапунот од кокос - благотворен против комарци