Два пожари во липковско, екипи на ТППЕ и на „Македонски шуми“ на терен
Екипи на кумановската подружница на ЈП „Македонски шуми“ и екипа од Територијалната противпожарна единица од изутрината на терен се обидуваат да го локализираат пожарот во месност меѓу липковските села Отља и Стрима.
Директорот на кумановската подружница на ЈП „Македонски шуми“, Ваит Саити информира дека нивна екипа од 35 луѓе теренски се обидува да го локализира пожарот.
Командирот на ТППЕ Куманово, Дејан Илиевски, пак, информира дека на местото на пожарот испратиле едно возило и нивна екипа.
- Со возило ќе гасиме до одредени места, но сепак мора да се потенцира дека станува збор за непристапен терен, изјави Илиевски и додаде дека гори нискостеблеста шума и растенија.
Раководителот на подрачната единица на Дирекцијата за заштита и спасување, Драган Димковиќ информираше дека и тие испратиле своја екипа да изврши увид на тој пожар.
Во меѓувреме, од кумановската подружница на „Македонски шуми“ информираат дека гори нискостеблеста шума кај Белановце. Саити додаде дека имаат екипа која работи на локализирање на пожарот. Дел од вчерашниот пожар од Скопска Црна Гора делумно се проширил и на територија на Липково, но таму интервенираат екипи од Скопје.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ