Донаторска конференција на ОН за помош на Рохинџите
Обединетите нации денеска почнаа донаторска конференција, чија цел е да се обезбедат 434 милиони долари помош за бегалците Рохинџи од Мјанмар. Европската унија и Кувајт претседаваат со конференцијата и се очекува да дадат најголем придонес.
Околу 600.000 Рохинџи, припадници на муслиманска заедница од северот на Мјанмар, пребегаа во соседниот Бангладеш во изминатите месеци, откако армијата на Мјанмар почна да ги напаѓа нивните градови и села. Инцидентите беа предизвикани од група Рохинџи герилци кои ги нападнаа позициите на мјанмарската армија на 25 август, убивајќи 12 војници.
Досега околу 100 милиони долари се собрани од страна на Обединетите нации, а ЕУ вети дека ќе придонесе со уште 30 милиони евра. Средствата се неопходни за одржување на бегалските кампови во Бангладеш. Амбасадорот на Бангладеш во ОН, Шамим Ахсан изјави дека вкупната бројка на Рохинџи бегалци во Бангладеш изнесува речиси еден милион и дека состојбата е неиздржлива.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава