Демократскиот сојуз го повика „Самоопределување“ да ја соборат Владата на Харадинај
Потпретседателот на Демократскиот сојуз на Косово, Љутфи Хазири го повика движењето „Самоопределување“ да ја соборат Владата на премиерот Рамуш Харадинај.
Гостувајќи во емисијата „Дебата“ на косовската државна телевизија, тој ја коментираше работата во изминатите 100 денови, оценувајќи дека таа ништо не направила.
- Владата предводена од Харадинај не работеше колку што треба. Главните опозициски партии треба да поднесат барање за интерпелација за да ја собориме оваа Влада. Демократскиот сојуз и Самоопределување ќе изгласаат недоверба, 100 денови се доволни, изјави Хазири.
Според него, откако ќе изминат 100 денови, оваа влада не смее да остане ниту еден час повеќе.
Тој посочи дека актуелната Влада ветила дека ќе најде решение за големи прашања и приоритетни проблеми, но оти тоа не го реализирала, дури не доставила во Парламентот закони за решавање на истите, алудирајќи на демаркацијата на границата со Црна Гора.
Во косовскиот Парламент овие две партии имаат 58 пратеници. На јунските парламентарни избори Самоопределување настапи самостојно, додека Демократскиот сојуз во коалиција со Алијансата за Ново Косово и Алтернатива.
Алијансата за Ново Косово на Беџет Пацоли се откажа од коалицијата и со своите тројца пратеници успеа да му овозможи на Харадинај да формира влада.
Партијата на Харадинај беше дел од коалицијата ПАН, во која беа Демократската партија и Иницијативата за Косово. Коалицијата освои 39 пратенички места, која со десетте пратеници на Српска листа и исто толку на другите немнозински заедници, го немаа доволниот број гласови во 120-члениот парламент, што го обезбедија со пратениците на Пацоли.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување