Без струја неколку гевгелиски села поради дефект на 10 киловолтниот далекувод
Покрај зголемената потрошувачка на електрична енергија регистрирана од почетокот на годинава, ниските температури и снежните наноси ја прекинаа испораката на струја во неколку планински и подпланински села во општина Гевгелија поради дефект на 10 киловолтниот далекувод.
Од енергетскиот центар на ЕВН во Гевгелија денеска соопштија дека за време на викендот било нормализирано електроснабдувањето во селата Негорци, Смоквица, Прдејци и Милетково и дека вчера во попладневните часови под напон се ставени планинското одморалиште Смрдлива вода, Ски центарот Кожуф и планинските села Серменин и Конско.
Дежурните екипи на ЕВН од Гевгелија поради високите снежни навеви не биле во можност да го отстранат само дефектот на линијата што го напојува со струја планинското село Ума. Поради тоа во текот на вчерашниот ден до најблиското проодно место транспортирале специјална санка со која ќе се пробијат до лоцираното место на дефектот и во текот на денот и ова село ќе добие струја.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава