Архивски документи покажуваат дека Горбачов добил гаранции дека НАТО нема да се проширува
Новообјавени документи од националните архиви во САД покажуваат дека во раните 90-те години на минатиот век водечки американски и германски политичари му дале уверувања на последниот советски лидер Михаил Горбачов дека НАТО нема да се прошири на исток.
Според документите, кои ги објавија истражувачи од факултетот „Џорџ Вашингтон“, Горбачов се спротиставувал на обединувањето на Германија по падот на Берлинскиот ѕид и Железната завеса и се согласил на тоа само откако добил гаранции дека НАТО нема да се прошири на исток.
Горбачов се среќавал со американскиот државен секретар Џејмс Бејкер и со претседателот Џорџ Буш постариот, германскиот канцелар Хелмут Кол и министерот за надворешни работи Ханс Дитрих Геншер, лидерите на Франција и Велика Британија, Франсоа Митеран и Маргарет Тачер, тогашниот директор на ЦИА Роберт Гејтс и генералниот секретар на НАТО, Манфред Вернер.
Сите му дале гаранции дека доколку Советскиот Сојуз, односно Русија, го прифати обединувањето на Германија, НАТО нема да се прошири кон исток, тврдат истражувачите Светлана Савранскаја и Том Блантон, кои објавија 30-на архивски документи од овие средби.
НАТО сепак се прошири во 1999 година, со приемот на Чешка, Унгарија и Полска, а подоцна прими вкупно 13 нови членки, зголемувајќи го бројот на членки на 29.
Руски политичари, пред се претседателот Владимир Путин, во неколку наврати укажаа дека западните земји ги погазиле нивните гаранции дека нема да има проширување на НАТО кон исток по падот на Берлинскиот ѕид.
Ново на Сител
-
Николовски: Компресорската станица работи без прекин, клиниките можат да кажат зошто не работат хируршките сали
-
Најмногу слободни работни места во секторот Административни и помошни услужни дејности
-
Мицевски очекува да има двотретинско мнозинство за законските измени за реорганизација на министерствата
-
ГИК: СНС во Белград освои 52 отсо гласови, според ЦЕСИД и ИПСОС во Ниш го нема мнозинството
-
ЈП Комунална хигиена –Скопје за еден месец подигна 1800 кубни метри смет од диви депонии
-
Во 2023 година намален бројот на склучени, а зголемен на разведени бракови
-
Горивата поевтинуваат за половина денар по литар
-
Не помина ниту третиот кандидат за претседател на Уставниот суд