Анкети во САД: Предноста на Клинтон намалена во однос на Трамп по нападот во Орландо
Предноста на Хилари Клинтон во однос на Доналд Трамп во американската претседателска трка е намалена од минатата недела, се вели во резултати на анкета на Ипсос/Ројтерс спроведена по терористичкиот напад во Орландо.
Трамп, најверојатен републикански кандидат за изборите на 8 ноември, ја обвини политиката на демократите за масовното убиство со огнено оружје во американската историја и повтори свое ветување дека ќе забрани миграција на муслимани.
Клинтон пак, предупреди на опасност од демонизирање на муслиманите во САД.
Според анкетата, Клинтон води пред Трамп со 11,6 отсто - 44,6 спрема 33 отсто, што е намалување во однос на 13 отсто разлика во анкетата од пред пет дена.
Падот на поддршката за Клинтон не беше само „добивка“ за Трамп. Бројот на избирачи кои се изјасниле дека нема да гласаат за ниту еден од нив е во постојан пораст во минатата недела.
Околу 22,4 отсто веројатни гласачи не би одбрале ниту еден од двајцата кандидати, според петдневниот просек на резултати од вчера. Тоа е зголемување за повече од два отсто во однос на 20,6 отсто пред седум дена.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка