АД ЕЛЕМ: Немаме скриени, ниту заостанати долгови кон стопанството
АД ЕЛЕМ нема скриени, ниту заостанати долгови кон стопанството, односно кон економските субјекти со кои има воспоставено деловни односи, порачуваат од компанијата.
- Ги испративме бараните податоци до Министерството за финансии со пресек заклучно со 31 мај и би сакале да појасниме дека станува збор за тековни обврски чии рокови за плаќање на тој датум се уште не биле доспеани, односно не е пробиена валутата за плаќање. Во информацијата испратена до Министерството јасно е наведено дека станува збор за тековни, а не заостанати обврски затоа што компанијата нема доспеани, а неподмирени обврски кон стопанските субјекти. Наведените податоци кои стојат во презентацијата се тековни обврски и се во целост подмирени во текот на изминатиот период, прецизираат од АД ЕЛЕМ, коментирајќи ги податоците за финансиските обврски на државните субјекти кон стопанството презентирани при вчерашната прес-конференција на Министерството за финансии и пренесени во дел од медиумите.
Нагласуваат дека компанијата е во одлична кондиција и сите обврски кон државата, стопанството и вработените редовно се сервисираат.
- АД ЕЛЕМ во првото полугодие од 2017 година оствари нето добивка која надминува 8 милиони евра и има депозити во неколку банки во износ од 20 милиони евра. Со оглед на ликвидноста на компанијата, предвреме е отплатен кредит кон Светска банка во износ од 903.526 долари. Истовремено, би сакале да нагласиме дека друштвото има евидентирани побарувања од правни и физички лица во износ поголем од 100 милиони евра. Компанијата во согласност со својот развоен и финансиски план и во иднина нема да дозволи доцнење на исплата кон деловните субјекти со кои соработува и ќе продолжи да ги сервисира тековните обврски во согласност со воспоставената динамика, прецизираат од компанијата.
Ново на Сител
-
Деветмесечно бебе донесено во неконтактибилна состојба, починало во болница во Охрид
-
ДИК ги соопштува освоените мандати за пратеници во новиот парламентарен состав
-
Претрес во Струмица, приведен осомничен дилер
-
Кривична против градоначалник за незаконско располагање со буџетски средства за време на избори
-
Расчистено двојното убиство во Стајковци
-
Напаѓачот на Фицо призна вина
-
Кривична и истрага против вработена во СВР Скопје, посредувала за добивање социјални станови
-
Костадиновска-Стојчевска: Музеите имаат заштитничка улога за нашата историја, култура и идентитет