„Зери“: Косово има повеќе гласачи, отколку жители
Право на глас на претстојните избори за членови на косовското Собранмие, според податоците на Централната изборна комисија, имаат 1,9 милиони регистрирани избирачи, иако во Косово официјално живеат само 1,7 милиони жители, пишува денеска приштинскиот весник „Зери“.
Според Митахер Хаскука од опозициското националистичко движење Самоопределување, кога ќе се спореди бројот на жителите и бројот на лицата помлади од 18 години, кои немаат право на глас, Косово не би требало да има повеќе од 1,2 милиони избирачи.
„Зери“ смета дека „пренапумпаниот“ број на избирачи е последица на неажурирање на Избирачкиот список од 1999 година, што во минатото ја отворало можноста за изборни кражби.
Сепак, претседателката на Централната изборна комисија, Ваљдете Дака тврди за „Зери“ дека списокот е ажуриран и оти во бројот на лицата со право на глас се вклучени и оние кои живеат во странство.
Предвремени парламентарни избори на Косово ќе се одржат на 11 јуни. На барање на опозицијата, Собранието на Косово минатата недела и изгласа недоверба на Владата на премиерот Иса Мустафа, кој е лидер на Демократскиот сојуз на Косово, а одлучувачки при изјаснувањето беа гласовите на неговиот коалициски партнер, Демократската партија на Косово, на досегашниот претседател на Собранието Кадри Весели.
Ново на Сител
-
Кремљ: Путин и Виткоф разговараа за условите за постигнување мир во Украина
-
Леклер: Не сме доволно брзи и покрај подобрувањата на болидот
-
Богојески најави тужби против правни и физички лица, тврди дека создавале лажни профили со негов идентитет
-
Санација на коловозот на улицата „Димитрие Чуповски“ во центарот на Скопје
-
Дебранец агресивно се однесувал кон полициските службеници кои го сопреле неговиот малолетен син кој возел автомобил
-
Доминиканската Република објави извештај за уривањето на покривот во ноќен клуб
-
Муцунски: Западен Балкан е суштински дел од иднината на Европа
-
Лишен од слобода кавадарчанец, со алат се обидел да влезе во туѓ дом