Земјите од ЕУ потрошиле 6,5 милијарди евра на играчки во 2023 година

Изминатата 2023 година, во земјите членки на ЕУ биле увезени детски играчки во вкупна вредност од 6,5 милијарди евра, покажуваат податоците на Евростат.

Статистичкиот завод на ЕУ ги објави овие информации во пресрет на божиќните празници и највата за зголемена потрошувачка на детски играчки.

Минатата година увозот на играчки во ЕУ е намален за две милијарди евра во споредба со годината претходно. Кина останува главниот снабдувач, со 5,2 милијарди евра вредност на играчки увезени во ЕУ, што претставува 80 отсто од вкупниот увоз.

По Кина следат Виетнам со 367 милиони евра и Велика Британија со 150 милиони евра. Најголем увозник е Германија со 18 проценти, потоа Франција со 16 проценти и Холандија со 14 проценти.

Покрај увозот, земјите од ЕУ минатата година извезле играчки во вредност од 2,3 милијарди евра. Чешка предводи со 29 отсто од извозот, а по неа следуваат Германија со 19 проценти, и Белгија со осум проценти.