Затворен пазар во Велес ќе се гради ако има интерес од големите маркети
За изградба на затворен градски пазар во Велес на постоечката локација како трговско – деловен центар, Општина Велес интензивно разговара со сопствениците на големите маркети од државата за да види колку тие се заинтересирани за ваков проект.
Според градоначалникот Аце Коцевски, деновиве треба да завршат разговорите со големите маркети како што се „Жито“ „Веро“ „Тинекс“ „Рамстор“ и останатите за да се види дали се заинтересирани да градат ваков деловен објект по пат на некој облик на партнерство.
– Доколку утврдиме дека кај големите маркети нема интерес, тогаш во програмата на буџетот на општината за следната година како еден од приоритетите ќе ставиме да се реконструира постоечкиот Градски пазар, со модификација на веќе изготвениот проект, изјави Коцевски.
Постоечкиот Градски пазар во Велес е во лоша состојба и недостига соодветно урбано решение. Граѓаните и пазарџиите со години бараат подобрување на условите на пазарот, којшто се наоѓа од левата страна на градот во близина на реката Вардар.
Претходната општинска власт уште во август 2017 година на постоечката локација најави изградба на затворен градски пазар во Велес. Истиот беше замислен како објект во кој ќе бидат сместени пазарџиите,16 дуќани, трговска улица за достава и санитарни јазли. Се предвидуваше и нова поделба на реоните за продавање на прехранбени производи, текстил, пластика……Беше изработено и идејното решение и сета потребна документација, а на 31 јули 2017 година беше распишан и јавен повик за иведувач на градежните работи. Проектот беше проценет на 12 милиони денари.
Ново на Сител
-
Две злата за Македонија на јуниорското Светско првенство во кикбокс
-
Организирал игри на среќа преку негова веб страница, уапсен тетовец
-
Охриѓанец ги следел и вознемирувал малолетните ќерки на неговата девојка
-
Скопјанец се самозадоволувал пред малолетнички во парк
-
Неделков: Членовите на СОНК нема да учествуваат на никакви партиски организирани протести
-
Ураганот Шаншан ја погоди источна Јапонија, најмалку шест загинати и стотина повредени
-
Од утре претежно стабилно, температурите повисоки за околу три степени
-
Починал мотоциклист во сообраќајна несреќа кај струмичко