Засега нема рестриктивни мерки на границите
Засега нема најава за рестриктивни мерки на границите. За конкретни наши евентуално препораки ќе разговараме оваа недела на состанот на Комисијата за заразни болести. Тоа што се уште не се знае, а чекаме да излезат публикации се информациите кои ни требаат во врска со тежината на клиничката слика односно да видиме како се однесува овој вирус кај луѓе кои се или не се вакцинирани. Затоа акцент ставаме на вакцинацијата. Апелираме што поголем број граѓани да се вакцинираат поради тоа што после оваа мутација може да дојде некоја друга, истакна денеска министерот за здравство Венко Филипче.
На Комисијата, посочи, ќе се зборува за тоа дали треба нешто да се препорача во однос на критериумите за влез на границите, иако гледаме дека во многу земји во регионот покрај тоа што имаат некакви рестриктивни мерки, како во Грција на пример, има пораст на заболени.
– Значи треба да се препорачаат мерки кои треба да бидат ефикасни. Во овој момент ситуацијата е мирна, нема голем број прегледи по болниците за пациенти суспектни на Ковид-19, така што во овој момент некакви рестриктивни дополнителни мерки што се однесува до функционирањето не се препорачани, рече Филипче, одговарајќи на новинарски прашања по посетата на болницата „Св. Еразмо“ во Охрид по повод реконструкција и опрема за Центарот за физикална терапија.
Одговарајќи на новинарско прашање тој рече дека со кредитот од Светска банка целосно ќе се опреми болницата „Св. Еразмо“ во Охрид, како и Ургентниот центар во Тетово и новото крило во болницата во Струмица.
Филипче при посетата на болницатата беше придружуван од министерот за локална самоуправа, Горан Милевски.
Ново на Сител
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци
-
До 14 часот на изборите за нов лидер на СДСМ гласале 28,61 отсто од регистрираните избирачи
-
Мицкоски на средба со Перински и Димитриеска Кочоска: Со ребаланс на буџетот ќе обезбедиме 250 милиони евра за инфраструктурен развој на општините