Заев со бордот на „Македонија 2025“: Да го искористиме огромниот потенцијал за соработка
Премиерот Зоран Заев денеска оствари средба со новата директорка на бордот на директори на „Македонија 2025“ Вера Ставроф и новиот главен извршен директор Никица Мојсоска-Блажевски за можностите на продлабочување на соработката во насока на поддршка на економскиот развој на земјата.
На средбата, како што соопшти владината прес-служба, премиерот Заев ја посочил важноста на процесот на зачленувањето на нашата држава во НАТО како важен предуслов земјата да се позиционира како стабилна и долгорочна бизнис-дестинација. Потенцирал дека првите резултати покажуваат рекордно високо ниво на странски директни инвестиции во 2018 од над 624 милиони евра. Премиерот Заев порачал дека соработката со организацијата МК 2025 во овој правец е значајна за промоција на земјата во светот, за привлекување нови странски директни инвестиции, но и за изнаоѓање нови пазари за нашите домашни компании и соработка што е значајна за размена на нови знаења и развој на нови вештини.
– Со бизнис-заедницата во нашата земја и во дијаспората, Владата на Република Северна Македонија има намера да ја продлабочува соработката и во тој правец започнуваме да работиме на реализација на конкретни проекти и развој на нови идеи што ќе ја унапредат економската соработка и ќе бидат од корист за граѓаните на Република Северна Македонија. Вашата организација преку своите програми и стипендии за поддршка придонесува за обуки и тренинг на нови кадри, тоа се млади луѓе од нашата земја кои понатаму помагаат и придонесуваат во нашата земја и во целокупниот развој на нашата економија. Тоа е значајно, вашите цели се во линија со нашите долгорочни цели за економски развој, имаме огромен потенцијал за соработка кој треба во целост да го искористиме, посочил премиерот Заев.
На средбата се дискутирало и за потенцијалите на економски раст што ги поседува Република Северна Македонија, кои може да бидат ставени во функција преку привлекување нови инвестиции во овие сектори за што е значајно продлабочување на соработката со оваа организација за промоција на деловната клима во нашата земја и привлекување нови инвестиции, како и за градење нпартнерски однос и релации со бизнис-заедницата во дијаспората.
Ново на Сител
-
Израелската армија изврши најмалку осум воздушни напади врз Бејрут
-
Украина загрижена поради наводите дека Северна Кореја и со војници ќе ја поддржи Русија
-
АХВ: Потврден птичји грип кај угината гуска, убиени 24 патки, 6 гуски, 5 кокошки и една чавка кои биле во зоолошката
-
Силен земјотрес ја погоди Грција
-
Прилеп ќе ги награди пожарникарите со 900 000 денари за пожртвуваноста за справување со големиот пожар во Мариово
-
Мицкоски: До средината на ноември субвенции од над милијарда и триста милиони денари за околу 20 000 земјоделци
-
За небаждарен тахограф на автобус изречена глоба од 3.000 евра за правното лице и 900 евра за одговорното лице
-
Галетановски: Смртоносна бактерија “птичји грип” е најдена во Зоолошка