Заев: Јас сум против карантин

„Мене лично ме застрашуваат бројките, верувам и дека кај секој друг граѓанин е истата ситуација. Затоа посочувам да носиме маска, држиме дистанца и да правиме редовна дезинфекција. Сите нови сугестии кои што ќе дојдат од Комисијата за заразни болести ќе ги почитуваме. Истовремено лично јас не сум поддржувач на „lockdown“. Значи не сум поддржувач на затворање, на полициски часови, но сум поддржувач на сето тоа што може да ограничи можност за ширење на заразата. Владата има можност да прогласи кризни состојби на микро региони, на поголеми региони или на ниво на цела држава, но секако знаеме да оцениме што тоа може да направи дополнителен ефект врз штета на економијата, а нема да даде ефект во делот на ширење на заразата“, вели Заев.