За згрижување во новата градинка во Зрновци пријавени над 50 дечиња
Општина Зрновци, особено внимание посвети на еден од најприоритетните проекти - Изградба на детска градинка со цел згрижување и воспитание на децата од предучилишна возраст. Објектот е во целост завршен, поставена е целокупната опрема, а извршено е и партерно урадување.
По направениот увид од страна на стручни лица од Министерството за труд и социјална политика, општината е во очекување на добивање одобрение од министерството за труд и социјална политика, а потоа веднаш и со отпочнување со работа.
- Инвестицијата во детска градинка која е од капитално значење, претставува инвестиција во сигурна иднина за најмладата генерација. Децата заслужуваат соодветна грижа и заштита. Со ова ќе се осигури процесот на социјализација неопходен за правилен раст и развој на децата, изјави денеска градоначалникот на Зрновци, Блаже Станков.
За престој во градинката имаме пријавено околу 50 дечиња, но таа бројка не е конечна, очекуваме таа да достигне до 70 дечиња. - Се надевам дека распишаните локални избори нема да бидаат пречка за добивање на одобрението за работа, со оглед на потребата и итноста од нејзино отварање, истакна Станков.
Инаку градинката во Зрновци е градена со средства од ИПА фондовите на Европската заедница во висина од 230 илјади евра. Опремата во градинката е целосно обезбедена од Министерството за труд и социјална политика.
Ново на Сител
-
Убиство како на филм во Батинци: Напаѓачите избегале со маски, дигнат е хеликоптер
-
Филипче нов лидер на СДСМ покрај бројни сомнежи за изборни злоупотреби
-
Мицкоски: Преспа е завршена работа - со Бугарија пак ќе преговараме
-
Муртезани: Уставните измени ќе се случат, алтернатива нема да има
-
МНР го повика на консултации амбасадорот во Албанија
-
Ќе се спојуваат разузнавачките агенции, утре на владина седница нови именувања во третиот ешалон
-
Распишан тендер за нова компресорска станица – хируршките сали на Клинички нормално ќе профункционираат во декември
-
Фејсбук измама со криптовалути, злоупотребено името на премиерот