Воспитна мерка за 16-годишникот кој со џип „БМВ Х6“ го прегази д-р Јота на пешачки пред Клиника

На 25 февруари 2021 година хирургот Ѓорѓи Јота беше прегазен и тешко повреден во сообраќајка во Скопје.

Неговата состојба беше многу сериозна поради нанесените повреди, но по долго време тој успеа да се опорави.

Зад воланот во џипот БМВ Х6 што удри во д-р Јота додека тој минуваше на пешачки премин седеше малолетник, кој немаше ниту возачка дозвола.

Според официјални информации на МДК.мк, малолетниот возач добил воспитна мерка, која е во фаза на извршување.

-Колку ќе трае оваа воспитна мерка од Судот не одговорија, само ни беше појаснето дека може да трае од неколку месеци до неколку години и дека се преиспитува секоја година, пишува порталот.

Од Основниот кривичен суд Скопје на прашање на МКД.мк каква е одлуката која што судот му ја изрекол на малолетникот, било одговорено дека одлуката, со оглед дека се работи за малолетно лице, не смее да се кажува.

Официјалниот одговор е дека на осомничениот малолетен возач за кого се водеше постапка по Законот за правата на детето, му е определена Заводско-воспитна мерка.