Живот
5. October 2018 - 22:39

Водителката го праша за силувањата: Сигал ја напушти емисијата

Популарниот актер Стивен Сигал гостуваше во емисија на „Би-би-си“, во која водителката му постави едно прашање кое го налути до таа мера што стана и си замина среде емисијата, која се емитува во живо. Во почетокот, актерот смирено и љубезно одговараше на прашањата на водителката, дури и задоволно смешкајќи се, меѓутоа, непријатната ситуација настана кога водителката го праша како се носи со обвинувањата за силување.

Ве тужеа за сексуално вознемирување и за силување, ме интересира, како се носите со тоа?

Популарниот актер не го дослуша прашањето докрај, туку бесно ги симна слушалките и микрофонот и ја напушти емисијата, оставајќи ја водителката изненадена од неговата реакција.

Стивен Сигал? Не добивме одговор на прашањето?“, рече водителката.

Потсетуваме, популарниот актер беше обвинет од страна на пет колешки за сексуално вознемирување, а наводните злоставувања се случувале на аудициите и на пробите.

Видеоснимката од емисијата можете да ја погледнете во продолжение на оваа објава (делот што се однесува на заминувањето на Сигал е од 2.45 минута).