Курти: Нападот во Бањска беше терористички чин на агресија против територијалниот интегритет на Косово
Косовскиот премиер Албин Курти изјави денеска во Бањска дека минатогодишниот напад на вооружена група локални Срби врз косовската полиција во тоа село е „терористички чин на агресија против територијалниот интегритет на Косово“, и дека оние кои стојат зад тој напад се „подготвени за поширок и подолг конфликт“.
Курти оцени дека настаните во Бањска од 24 септември минатата година претставуваат „план за напад на Косово“ зад кој, според неговите зборови, стојат паравоени, терористички формации финансирани и раководени од Србија.
„Тоа беше агресија против државниот суверенитет, територијален интегритет, мир, безбедност и уставност“, изјави Курти на новинарите по откривањето на таблата во Бањска со името на улицата што го носи името на Африм Буњаку, полицаецот убиен во вооружен конфликт во тоа село на северот на Косово.
Владата на Косово синоќа одлучи улица во селото Бањска да именува по полицаецот убиен во вооружениот конфликт на 24 септември минатата година.
„Наредникот на косовската полиција Африм Буњаку и неговите колеги беа на местото каде паравоените, терористички формации предводени од Србија и кои претходно внесуваа многу оружје за поширок и подолг конфликт, подготвуваа замка за убивање на нашите полицајци. „Од конфискувањата на оружје и муниција што ги изврши полицијата во Звечан и пошироко, произлегува дека е одземена поголема количина оружје“ – рече Курти.
Одговорноста за вооружениот напад ја презеде поранешниот потпретседател на Српската листа, Милан Радојчиќ.
Специјалното обвинителство на Косово досега покрена обвинение против Радоичиќ и уште 44 лица кои се осомничени за тероризам, перење пари и финансирање тероризам, како и за „сериозни дела против уставниот поредок и безбедноста на Република Косово“.
Ново на Сител
-
Мицкоски: Предвидени се пари за раст на платите во јавната администрација за наредната година
-
Од денеска цените на дел од прехранбените производи треба да бидат намалени
-
Повеќе лесно повредени лица во сообраќајна несреќа на крстосница на регионалниот пат Куманово-Свети Николе
-
Минималните трошоци во септември 61.306 денари, ССМ се надева дека ако се почитува одлуката на Владата, ќе се намалат трошоците за храна
-
СВР Битола поднесе кривични пријави против осум лица поради предизвикување пожари
-
Поднесено обвинение за убиството на малата Данка Илиќ
-
Поднесено обвинение за убиството на Данка Илиќ
-
Трет уписен рок за студирање на УКЛО-Битола