Во Велес „Блакцето на баба“ по 22. пат
Во организација на Здружението на пензионери од Велес и Активот на жени пензионерки денеска во Велес по 22. пат се одржа забавно-хуманитарна, традиционална манифестација „Блакцето на баба“.
На манифестацијата со свои старински македонски блага, меѓу кои разни баклави, гурабии, аравании, ванилички, домашни торти, кајмаци, фурми, алви и други, учествуваа жени од Активите на жени пензионерки од цела Македонија.
Нада Алексоска од Активот на жени пензионерки од Велес, рече дека манифестацијата во сите изминати 22 години и годинава има за цел иницирање на подготовка на стари македонски блага по рецепт од нашите мајки баби и прабаби од минатото до денес.
- Да го зачуваме она што е наше да се идентификуваме како нација сосема различна од другите, да ја продолжиме традицијата за да не се изгубат корените од нашето дамнешно постоење. Значи да ја зачуваме нашата традиција на македонските жени за подготовка на вкусни македонски блага, а истовремено да бидеме и хумани, потенцира Алексоска.
Таа информира дека и годинава како и досега собраните средства од манифестацијата ќе бидат наменети за хуманитарни цели, на оние сограѓани на кои помошта им е најнеопходна.
Ново на Сител
-
Најтопло во четврток, петок и сабота со температури до 39 степени
-
Струмичанец со тројца малолетници нападнале брачен пар во нивниот дом, го повредиле сопругот со остар предмет
-
Миле Јанакиески излегува од затвор
-
Петок пред Духовден, 21 јуни, неработен ден за граѓаните од православна вероисповед
-
Претрес во Битола, пронајдена дрога, приведено едно лице
-
Нетанјаху ја распушти воената влада
-
Приведен криумчар на мигранти
-
ЈП „Комунална хигиена“: Масовно непрописно исфрлање отпад во близина на контејнерите во Скопје