Во Струмица одбележан Светскиот ден на крводарителите
Општинската организација на Црвениот крст на Струмица вечерва со доделување дипломи и благодарници на дарителите кои најмногу дарувале крв го одбележа Светскиот ден на крводарителите.
На рекордерот Делчо Ѓоргиев од струмичкото село Добрејци му беше доделена посебна благодарница за неговите 75 дарувања крв. Тој доби и признание за мотиватор за унапредување на крводоратилеството.
- Прв пат дарував крв во 1970 година. Почнав да дарувам како средношколец, потоа како војник и потоа во текот на сите мои 65 години. Сега сум пензионер и понатаму ќе дарувам крв. Кога и да ме повикаат веднаш ја пружам раката, вели Ѓоргиев.
Тој вели дека според неговата евиденција има дарувано 102 пати крв, но според официјалната евиденција има дарувано 75 пати.
- Тоа не е важно. Важно е да ја даруваш драгоцената течност. Не е битна бројката. И еднаш во животот некој да дарува крв мислам дека е доволно за сите на кои им е потребна. Последниот пат кога дарував крв и реков на сестрата: Јас ќе бидам благодарен мојата крв да биде неискористена. Таа се зачуди и ме праша зошто. Јас и одговорив дека така ќе биде најдобро, односно никој да не се разболи и да нема потреба од крв, рече струмичкиот рекордер во дарување крв, Делчо Ѓоргиев.
На свеченоста им беа врачени признанија и благодарници на сите крводарители, кои досега дарувале крв по пет, десет, дваесет, педесет и седумдесет и пет пати.
Инаку, во првите шест месеци во Струмица се евидентирани 300 дарувања крв. Ова бројка, според секретарот на Општинската организација на Црвен Крст, Маријана Тошева, е помала бидејќи во тој период резервите од крв биле на потребното ниво.
Ново на Сител
-
Итна седница на Советот за безбедност на ОН за ситуацијата на Блискиот Исток
-
Сообраќајот се одвива по суви коловози
-
Наутро студено, преку ден сончево до 25 степени
-
Терористички напад во Тел Авив, шестмина мртви | ВИДЕО
-
Иран лансираше ракети кон Израел | ВИДЕО
-
Контрола во правно лице во Скопје, затекнати седум турски државјани кои незаконски работеле во државата
-
Почина жена на Клиника во Скопје
-
Скопјанец со автомобил намерно удрил во тинејџер при што го повредил