Во Крива Паланка собрани 58 единици крв
На денешната крводарителска акција во организација на Црвен крст-општинска организација Крива Паланка собрани се вкупно 58 единици крв.
Акцијата се спроведе како дел од редовниот годишен план за крводарувања за септември.
– И на денешната акција, која е исклучително успешна, се одѕваа голем број крводарители, поголем број дарители кои редовно даруваат крв, но имаше и значителен број крводарители кои првпат дарија драгоцена течност. Со оваа акција се заокружи и третото тримесечје од годинава, во кое на вкупно пет акции се собрани 210 крвни единици. Вкупно, во сите дванаесет досегашни акции од почетокот на годинава се собрани 574 единци крв, од проектираните 711 за 2019 година, изјави Дарко Пешовски, секретар на општинската организација на Црвен крст Крива Паланка.
Следната крводарителска акција ќе се спроведе во првата половина на октомври.
Ново на Сител
-
Анкета на ИРИ: 68% од Македонците поддржуваат членство во ЕУ
-
„Епл“ ги претстави новите „Ајпад про“ таблети
-
„Опен-АИ“ со новости околу „Чет-ГПТ“
-
Словенец ќе биде главен судија во финалето на Лигата на шампионите
-
Гвардиола: Да беше до парите, Јунајтед требаше да ги освои сите титули
-
Разрешен е директорот на Токсикологија, Данил Петровски
-
СИРИЗА ќе ги поднесе во грчкиот Парламент трите меморандуми со Северна Македонија
-
Пендаровски се откажа од државна пензија