-->
-->
Во Крива Паланка се одржа „Рели Калин Камен 2016“
-->
Околу 120 џипови, 50-тина мотори , десетици офф-роад возила беа дел од денешната спортска манифестација „Рели Калин Камен 2016“ која се организира осма година по ред.
Организатори се Здружението на граѓани Авто мото клуб „Офф Роад Осогово“ и општина Крива Паланка, која е и покровител на настанот.
Градоначалникот на Крива Паланка, Арсенчо Алексовски изјави дека стартната позиција е градски плоштад Крива Паланка, се минува по асфалтен пат до село Мождивњак, каде се продолжува кон дел од Кратовска територија. Понатаму на Браната Злетовица се приклучуваат учесници од Пробиштип, што заедно чинат околу дополнителни 50-тина џипови и исто толку моторџии од Македонска Каменица и Кочани кои се приклучија на Царев Врв. Следната станица е езерце Калин Камен, а релито завршува во манастирот Св. Јоаким Осоговски.
Додаде дека џип-релито прераснува во бренд на општина Крива Паланка.
- Радува фактот што секоја година има се поголем број учесници, а изминатите неколку години оваа спортска манифестација добива и меѓународен карактер. Покрај бројните учесници од речиси цела Макеоднија - Велес, Пробиштип, Штип, Скопје, Куманово, Прилеп, Битола, Охрид, Крива Паланка, Кочани и Македонска Каменица, имаме учесници и од соседна Бугарија и Србија, нагласи Алексовски.
Манифестацијата има ревијален карактер, а се одржува во чест на сесловенските просветители, Свети Кирил и Методиј. Патеката е долга 64 километри, минува низ прекрасните предели на Осоговските Планини, сѐ до манастирот Свети Јоаким Осоговски, каде под покровителство на општината се организира заеднички ручек - манастирско гравче, за сите учесници.
-->
-->
-->
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден