Во карантин во хотелот „Монтенегро“ 74 лица вратени од странство
Вкупно 74 македонски граѓани кои се вратиле од Белгија, Франција, Австрија и Германија се сместени во 14-дневен државен карантин во хотелот „Монтенегро“ кај Велес, додека во други два капацитета, хотелот „Уни Палас“ во Кавадарци и Детското одмаралиште во Михајлово се сместени 28 лица од повеќе градови низ земјава, велат од СВР Велес.
Како што информира за МИА интернистот д-р Ристи Катранџиев од ЈЗУ Општа болница – Велес, сите лица се прегледани, а нивната здравствена состојба е добра и се следи. Ако им затреба, секогаш им е на располагање екипа составена од лекари и медицински лица од ЈЗУ Општа болница и ЈЗУ Здравствен дом Велес.
Ова е втора група граѓани во карантин по првата од 70 лица кои беа сместени во хотелот „Монтенегро“ и кои изминатиот викенд си заминаа зашто се во добра здравствена состојба.
На подрачјето на СВР Велес има 83 лица во домашна самоизолација кои се под контрола на полицијата. Од нив 41 лице е во Велес, 31 во Кавадарци и 11 во Неготино.
Изминатото деноноќие само три лица, сите од Велес, го прекршиле полицискиот час. Во Кавадарци и Неготино немало прекршители.
Ново на Сител
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот
-
Приведен 29-годишник кој избегал од кумановскиот затвор
-
ЈОРСМ: Дадена наредба за обдукција на починатиот притвореник од Затвор Куманово