Во бомбашкиот напад во Каиро најмалку 29 повредени
Најмалку 29 лица се ранети, од кои шестмина се полицајци, во експлозијата на автомобил бомба кај една од зградите на службата за безбедност и судот во северното предградие на Каиро, Шубра ал-Каими, јавија светските агенции, повикувајќи се на безбедносни извори.
Властите наведуваат дека експлозивната направа со голем капацитет била детонирана од далечина.
Од детонацијата е оштетена фасадата на зградата, а на местото на експлозијата веќе се наоѓаат противпожарни екипи, итна помош и полиција.
Од експлозијата е направен голем кратер, а околните автомобили се изгорени, наведуваат британските медиуми.
Според твитови на Твитер, експлозијата се слушнала во неколку делови на главниот град на Египет.
Сопственикот на една продавница изјавил дека видел кога еден маж го паркира својот автомобил, што подоцна експлодирал.
Засега никој не ја презеде одговорноста за нападот.
Кон крајот на јуни и почетокот на јули во Каиро се случија два терористички напада, во јули кај конзулатот на Италија за кој одговорноста ја презеде Исламска држава, а во јуни имаше екплозија кај претседателската палата.
Британските медиуми потсетуваат дека одговорноста за нападите врз безбедносните сили претходно ја преземаа екстремистите стационирани на полуостровот Синај, приврзаници на ИД, која контролира големи делови од Ирак и Сирија, а присутна е и на територијата на Либија.
Ново на Сител
-
Четворица малолетници пронајдени во бесознание во куќа во Скопје - итно пренесени на Токсикологија
-
СВР Скопје: 24 годишното момче од Ченто се самозапалило, но никој не го принудил, ниту бил киднапиран
-
Балансерот ќе биде укинат, во Министерството за администрација 43% од вработените се од етничките заедници
-
Двата „Ер трактор“ авиони на ДЗС се вклучуваат во гаснењето на пожарите во Неготинско
-
Вучиќ: Изложени сме на навреди и најдиректни закани
-
Таравари именуваше нови четворица директори на здравствени установи
-
Гир: Преминот „Маркова нога“ е инвестиција која ќе придонесе за развој на меѓуграничниот регион
-
Почна повлекувањето на законите за администрација од собраниска процедура, ќе се доработуваат низ широка јавна дебата