Во авионот загина познат бизнисмен, тврдат италијанските медиуми
Нема преживеани при авионската несреќа која попладнево се случи кај Кожле, Велес. Италијанските медиуми пренесуваат дека се работи за четворица Италијанци и за двајца косовски државјани. Неофицијално, меѓу загинатите е и познат странски бизнисмен.
Авионот бил приватен со германски национални ознаки, од типот „Пајпер Па 34-200 Т Сенека“. Полетал од Тревизо, Италија, а крајната дестинација му била Приштина. Над Македонија требало да изврши прелет и бил пријавен на аеродромот „Александар Велики“-Скопје за дополнување гориво.
Авионските експерти претпоставуваат дека на приштинскиот аеродром немало таков тип на гориво каков што користи овој авион, па затоа требало да го надополни резервоарот во Скопје пред да слета во Приштина и се врати во Тревизо.
Исчезнувањето на авионот од радарот денеска попладне во 17.40 часот во МВР го пријавила Контролата на летање на скопскиот аеродром.
На аеродромот во Скопје нема доцнење на летовите, а вработените кои биле на смена во моментот кога исчезнал авионот, веќе ги дале своите изјави на надлежните.
Ново на Сител
-
Трамп „не е задоволен“ со Путин, разгледува нови санкции
-
ЦУК: Активни 11 пожари, еден под контрола
-
Потпишан договор за грант од 5,5 милиони евра за енергетска реконструкција на студентски домови
-
Најмалку осуммина повредени во невремето што попладнево го погоди Белград
-
ЕК за концертот на Томсон: Го осудуваме секој израз на фашизам, членките на ЕУ да го казнат говорот на омраза
-
Голема брзина над дозволената причина за несреќата во која загинаа Жота и Силва
-
Вардар и Алкалоид се двете македонски екипи во Лига Европа во ракомет
-
Владата прогласи кризна состојба од 30 дена поради пожарите