Во Анкара и Истанбул воведени засилени мерки за безбедност заради ризик од тероризам
Турскиот премиер Ахмет Давутоглу денеска ја информира јавноста дека властите ги засилиле безбедносните мерки во Анкара и Истанбул заради ризикот од тероризам, пренесе ТАСС.
-Терористите сакаат да не победат, да го сменат нашиот вообичаен начин на живот и да создадат хаос. Ние, меѓутоа, нема да им го дозволиме тоа и ќе продолжиме да преземаме широки мерки за спротивставување на тероризмот, изјави Давутоглу за телевизијата НТВ.
Премиерот уште кажа дека по терористичките напади на 17 февруари и 13 март владата разгледала мерки за гарантирање на безбедноста.
Ситуацијата во престолнината и во другите големи градови во Турција е напрегната по атентатот во Анкара на 13 март, во кој загинаа 37 лица и над 120 беа ранети.
Одговорноста за нападот ја презеде „Јастреби за слободата на Курдистан“, вооружена група за која се смета дека е поврзана со Курдската работничка партија (ПКК).
Во Анкара по атентатот беа засилени проверките на автомобили, на улиците дежураат повеќе полицајци, зголемени се и мерките за безбедност и контролата на посетителите во големите трговски центри, како и набљудувањето на ситуацијата по улиците на места каде се собираат многу луѓе.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар