Во 398 контроли на месарници уништени 414 килограми небезбедно месо
Нехигиена во објектите, неспроведени мерки за дезинфекција и дезинсекција, неправилно декларирање на месото, непоседување на комерцијален документ за пратка месо се недоследности кои биле констатирани од страна на инспекциските контроли што ги спровела Агенцијата за храна и ветеринарство од декември досега.
Како што соопштија од Агенцијата, со засилени инспекциски контроли биле опфатени 398 месарници во однос на условите за производство, чување и трговија со месо и производи и подготовки од месо.
- Со контролите утврдено е и дека некои од операторите немале План за вршење на микробиолошки анализи на производите и подготовките од месо, а утврдено е и дека еден оператор со храна вршел дејност во нерегистриран објект од Агенцијата за храна и ветеринарство, наведуваат од Агенцијата.
За констатираните недоследности кај операторите со храна кај кои се спроведени контролите, донесени се 25 решенија за отстранување на недостатоците, спроведени се девет едукации и изречени 11 парични казни во висина од три до пет илјади евра во денарска противвредност.
Како небезбедени поништени се 414 килограми производи од животинско потекло кои биле произведени во несоодветни услови, односно, во неодобрен објект од Агенцијата за храна и ветеринарство.
Засилените инспекциски контроли на месарниците, официјалните ветеринари ќе продолжат да ги спроведуваат и во наредниов период и тоа на цела територија на Република Македонија, посочуваат од Агенцијата за храна и ветеринарство.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово