ВМРО-ДПМНЕ: СДСМ со манипулации се обидуваат да го свртат вниманието на јавноста

Тешко на партијата на чии функционери не им пречи да бидат водени од единствениот политичар во Европа кој три пати е аболициран за криминал.

Секојдневно во медиумите излегуваат докази за криминалот на Зоран Заев и неговите функционери. Очајните Заев и СДСМ со манипулации се обидуваат да го свртат вниманието на јавноста кон лица кои немаат никаква дамка во кариерата и знаат дека ќе сторат се за да ги спречат криминалните политики на Заев и Царовска кои ја дотуркаа Македонија на дното од европските земји според корупцијата и ја сместија земјава во категориите на земји со хибриден режим.

Во СДСМ се свесни дека ја напуштаат власта и во паника пред граѓаните креираат сценарија.

Наместо Милан Живковиќ да манипулира треба да и одговори на јавноста, кој е придонесот на неговиот шеф за Македонија да се најде на 106-то место според Транспаренси Интернешнл во друштво со Монголија, Брегот на Слонова Коска и Египет?

Живковиќ треба да одговори зошто граѓаните на Република Македонија земаат најниска просечна плата на Балканот?

СДСМ нека не молчи за секојдневните афери кои се откриваат, а се вмешани Заев и нивното цело раководство.

Крајот на СДСМ се повеќе се ближи.

Решението граѓаните го знаат, а тоа е дека Зоран Заев и СДСМ мора да паднат од власт и никогаш повеќе да не се вратат.

Секогаш кога СДСМ е на власт, Македонија тоне на секое поле.

По 12-ти април следува обнова на Република Македонија заедно со ВМРО-ДПМНЕ.

Зоран Заев и СДСМ никогаш повеќе.

Центар за комуникации на ВМРО-ДПМНЕ