ВМРО-ДПМНЕ: Очекуваме пресуда и за лицата кои ги прекршија Уставот, Деловникот и законите
ВМРО-ДПМНЕ очекува по изречената пресуда од страна на судот за лицата кои учествувале во физичко насилство во Собранието на РМ во текот на вечерта на 27 април, правосудните органи да изречат соодветни пресуди и за лицата кои беа одговорни за политичкото насилство и флагрантно кршење на Уставот, Деловникот и законот во собраниската сала.
- Нападот на Собранието се случи одвнатре со кршење на најмалку 3 члена на Уставот на Република Македонија, најмалку 27 члена од Деловникот за работа на Собранието и кршење на законот за Собрание. Се што се случи потоа е последица на овој обид за државен удар од страна на тиранската коалиција на чело со СДС, рече на денешната прес-конференција Драган Данев од ВМРО-ДПМНЕ.
Според него, политичкото насилство во Собранието, пеењето химни на туѓи држави и насилничкиот избор на нелегален претседател на Собранието биле причините да се создадат револт и гнев кај граѓаните кои 60 дена претходно мирно протестирале против лицитирањето со државните и националните интереси.
- Очекуваме надлежните органи да реагираат по незаконското, антиделовничкото и антидржавното однесување на Ферид Мухиќ, Горан Мисовски и други пратеници кои спротивно на Уставот, законите и Деловникот избраа во нелегална постапка нелегитимен претседател на Собранието, истакна тој.
Додаде дека СДСМ и Петре Шилегов преку манипулации се обидуваат да го покријат своето антидржавно однесување изминатиот период и оти тој сака целата вина за случувањата и обидот за убиство на правната држава да ја испере од себе и од соучесниците во, како што рече, државниот удар и да ја префрли врз сопствениот народ.
Ново на Сител
-
Орбан нуди посредство за преговори со Софија, одлуката на Брисел ја оцени како историска грешка
-
Тема на денот со Ненад Марковиќ, универзитетски професор
-
Средношколци во Сител за Денот на медиумите
-
Средба Мицкоски - Орбан во Охрид
-
Kој е виновен што Mакедонија не напредува кон ЕУ – партиите си разменија обвинувања
-
Експерти: ЕУ не може да гарантира дека ќе запрат бугарските барања, потребна е волја за дијалог
-
Мицотакис од Њујорк: Добрососедски односи и почитување меѓународни договори за влез во ЕУ
-
Инспекторите на терен – дали 140 ученици од “Ѓорѓија Пулевски” се затруени со храна?