ВМРО-ДПМНЕ обвинува за партизација на државата
Емилија Александрова од ВМРО-ДПМНЕ денеска од пред ЕУ Инфоцентарот обвини дека започнале чистките и бруталната партизација на државата од страна на СДСМ, а за која сметката ќе ја плаќаат граѓаните со свои пари.
-Во буџетот за нови привремени вработувања и други ставки со кои ќе се финансира партизацијата се предвидени повеќе од 100 милиони денари. Со овие пари на граѓаните Заев ќе ги плаќа фактурите кон оние кои му помогнаа да дојде на власт преку насилство и на нелегален начин, истакнува Александрова.
Таа обвини дека без никаква законска основа се разрешуваат луѓе од своите работни позиции за кои имаат договори, а се вработуваат партиски послушници.
- Наместо со парите на граѓаните да се подига стандардот и квалитетот на услугите во државата, повеќе од сто милиони денари ќе бидат искористени за Заев да им се оддолжи и на овие профитери кои глумеа невладин коректив на власта, за да се дограбат до фотелји и позиции, вели Александрова.
Тие од Европската унија бараат да остане принципиелна и да го осуди грубото партизирање на државата кое, според нив, е спротивно на сите европски стандарди и искуства.
Ново на Сител
-
Преглед на вестите од светот
-
Кривично правна одговорност кај претседателот на Собранието, Африм Гаши, не е утврдена
-
Најмногу странски туристи има со кружните тури
-
Падна одлука: Откупната цена на винското грозје зголемена за 25%
-
Тема на денот со Борко Ристовски, министер за спорт
-
Заврши состанокот со откупувачите на винско грозје: Каков е исходот?
-
Левица со интерпелација за Гаши по инцидентот на аеродромот - од ВМРО-ДПМНЕ не сметаат дека е потребна смена на спикерот
-
Пругата кон Солун е приоритет