ВМРО-ДПМНЕ: Новата влада го руши здравствениот систем
ВМРО-ДПМНЕ денеска оцени дека смената на директорите на клиниките е направена без вредносни критериуми и аргументи.
- Министерот за здравство денес без срам најавува не 33, туку 50 директори на здравствени установи дека ќе бидат заменети и со тоа е доведена во прашање функционалноста и здравствената услуга на голем број здравствени установи ширум државата. Оваа одлука на министерот е само уште една потврда дека новата влада нема намера да го унапредува здравствениот систем, туку напротив го руши, истакна денеска на прес-конференција Марија Андоновска од ВМРО-ДПМНЕ.
Таа потенцира дека поради тоа ни се случуваат епидемии од најслаб облик од кои, како што рече, имаме две човечки жртви и десетици хоспитализирани граѓани.
- Многу сериозно предупредуваме дека ваквата масовна, неоправдана и незаконска смена на директори на клиники е направена без вредносни критериуми и аргументи, само како резултат на реваншизам и намера за партизирање. Предупредуваме дека овој масакар во здравството неминовно, но, за жал, сигурно ќе доведе до сериозни последици по здравјето и интересите на граѓаните. Впрочем како поинаку да се толкува фактот што се менуваат професионалци и докажани кадри како што е директорот на Клиниката за кардиологија Сашко Кедев, рече Андоновска.
Секоја погрешна политика која сега ја презема министерот за здравство и владата на СДС, како што рече, ќе има последици во наредниот период и особено на штета на граѓаните.
Според ВМРО-ДПМНЕ, поради непрофесионалноста, неодговорноста и негрижата на власта на СДСМ и министерот за здравство, постои сериозна опасност ситуации со епидемијата во Симница, Гостиварско да се повторуваат со уште поголеми жртви и штети.
Ново на Сител
-
Со „Сино знаме“ наградени 64 плажи и две марини во Република Кипар
-
Кампања за заштита на шумите од пожар
-
Мисајловски на состанокот на Северноатлантскиот совет на НАТО во Брисел ја потврди посветеноста на државата кон колективната безбедност
-
Предложен притвор за осомничен за четири тешки кражби
-
107 санкции за непрописно вградени фолии и користење на т.н. флешери
-
ЕСМ и натаму ќе снабдува по иста цена
-
Клековски: Формирана е работна група за следење на напредокот при лекувањето на пациентите од Кочани
-
Саити: Црвен крст досега исплати 107 милиони денари за повредените во Кочани, остануваат 49 милиони што ќе се исплатат наскоро